BREAKING NEWS

രാഹുലിന്റെ അഡാർ കണ്ണിറുക്കൽ.

FB_IMG_1532112135570.jpg

ന്യൂഡല്‍ഹി: ലോക്‌സഭയില്‍ അവിശ്വാസ പ്രമേയ ചര്‍ച്ചയില്‍ പ്രധാനമന്ത്രി നരേന്ദ്ര മോദിയെ കടന്നാക്രമിച്ച് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി നടത്തിയ പ്രസംഗത്തെ അഭിനന്ദിച്ച് സാമൂഹിക മാധ്യമങ്ങള്‍. ശക്തനായ പ്രതിപക്ഷ നേതാവിന്റെ ശരീര ഭാഷയിലേക്ക് രാഹുല്‍ ഉയര്‍ന്നുവെന്നാണ് സാമൂഹിക മാധ്യമങ്ങളില്‍ നിന്നു വന്ന പൊതു വിലയിരുത്തല്‍. അവിശ്വാസ പ്രമേയ ചര്‍ച്ചയില്‍ പ്രതിപക്ഷം വ്യക്തമായ മേല്‍ക്കൈ നേടിയെന്ന് വ്യക്തമാക്കുന്നതാണ് കമന്റുകള്‍.
ആ കണ്ണിറുക്കല്‍ ഗംഭീരമായി സുഹൃത്തേ, നല്ല വേദനിക്കുന്ന അടി തന്നെയാണ് കൊടുത്തത്. അവരുടെ നുണ മൈനുകള്‍ വലിച്ച് പുറത്തിട്ടതിന് അഭിനന്ദനങ്ങള്‍. അസാധ്യ പ്രസംഗം- ആര്‍ ജെ ഡി നേതാവ് തേജസ്വി യാദവ് ട്വീറ്റ് ചെയ്തു. രാഹുല്‍ ഗാന്ധിയുടെ അത്ഭുതകരമായ പ്രകടനമായിരുന്നു ലോക്‌സഭയില്‍ കണ്ടതെന്നും സര്‍ക്കാറിന്റെ അവകാശവാദങ്ങള്‍ പിഴുതെറിയുന്ന രീതിയിലുള്ള ഒരു ഗെയിം ചേഞ്ചിംഗ് പ്രസംഗമായിരുന്നു രാഹുലിന്റേതെന്നും കോണ്‍ഗ്രസ് എം പി ശശി തരൂര്‍ ട്വിറ്ററില്‍ കുറിച്ചു. അപ്രതീക്ഷിതമായ ഒരു കെട്ടിപ്പിടിത്തത്തിലൂടെ ബി ജെ പി നേതൃത്വത്തെ രാഹുല്‍ ഞെട്ടിച്ചു കളഞ്ഞെന്നും തരൂര്‍ ട്വീറ്റ് ചെയ്തു.

Top